 |
| Foto:Palmira Escobar Martos |
Esti martes, 14 de Mayu, Adrián Barbón visitó'l conceyu de Carreño, pa conocer la llabor educativa que desenvuelven nes dos escueles rurales del conceyu nel qu'apocayá se constituyó l'Observatoriu de la Escuela Rural n'Asturies.
Participó de l'actividá escolar conxunta sobroe la Prehistoria na aula didáctica del Neolíticu. Nel Centru d'Iniciativa Rural Monte Areo n'El Valle de Carreño acompañó al alumnáu de la escuela de Llorgozana y de la de Quimarán – El Valle.
Barbón conoció, de primera mano, los proyectos educativos singulares que nes sos escueles rurales vienen desenvolviéndose como'l de “Carreño Conceyu Cardioprotegido”. En dichu proyectu, cola collaboración del médicu Vicente González, enseñaron al a población escolar del conceyu a actuar énte una parada cardiaca o un atragantamientu. El candidatu a la Presidencia del Principáu foi gasayáu con un DVD resumen de la iniciativa.
Darréu visitó equipamientos municipales construyíos por gobiernos socialistes pa fomentar el desenvolvimientu rural, la participación y contribuyir al bienestar de les persones qu'habiten nel mediu rural. Equipamientos municipales, como los denominaos Centros d'Iniciativa Rural, que con fórmules de xestión públicu privada, dan servicios al vecinderu de les zones y xeneren empléu autónomu. Nel intre de la visita faló col vecinderu de la zona.
Concluyó la xornada mañanera con una visita al Monte Areo qu'alluga la necrópolis mayor de Asturies y una de les mayores de España cola esistencia d'elementos funerarios con una antigüedá de cinco mil a trés mil años nel casu de los dólmenes.
Na actualidá esistencasi trenta túmulos funerarios del Neolíticu partíos pola metá de la fastera y el visu, en dos zones denominaes Cierru Los Llanos y -Les Güelgues de San Pablo. Percorrió, acompañáu de l'Alcaldesa, Amelia Fernández, los restos arqueolóxicos más destacables les dos cámares funeraries que la so llanta ye cuadrada y un dolmen de planta trapezoidal.
La Necrópolis megalítica del Monte Areo ta catalogada como Bien d'Interés Cultural dende 1997 y en dicha zona, dirixió les escavaciones y les llabores arqueolóxiques d'investigación un equipu perteneciente al departamentu de Prehistoria y Arqueoloxía de la Universidá d'Uviéu, so la supervisión de Miguel Ángel de Blas Cortina, catedráticu de dicha universidá.
 |
| Foto:Palmira Escobar Martos |
 |
| Foto: Palmira Escobar Martos |
 |
| Foto: Palmira Escobar Martos |
