 |
| Adrián Barbón y Amelia Fernández n'emotiva visita a Carreño |
El PSOE ye, en Carreño, la primera fuerza política nos cuatro ámbitos de decisión política tres los cuatro postreros procesos electorales. A la folgada victoria nes Xenerales col nuesu candidatu, Presidente Pedro Sánchez, hai que sumar agora les victories n'Europees, Autonómiques y Locales.
Nes Europees, el nuesu partíu, llideráu pol gran candidatu Josep Borrell, impúsoses con absoluta claridá al restu de candidatures. Nes Autonómiques, el partíu con Adrián Barbón a la cabeza, llogró una folgada victoria, amosando con claridá lo que yá yera un fechu continuáu en Carreño, la confianza na FSA-PSOE, con mayor porcentaxe na victoria. Pa rematar, el PSOE de Carreño y Amelia Fernández, impónense nes municipales medrando en votos y representación de conceyales, a pesar d'un llixerísimu amenorgamientu de la participación electoral, que refrenda la bona xestión socialista en Carreño.
Podríen decise munches coses y emitir distintes reflexiones, pero agora toca solamente agradecer la confianza continuada de la ciudadanía, que nos fai sentinos argullosos y argullosas a militantes del partíu, que trabayamos ensin descansu no que son los nuesos ideales y el proyectu pa Europa, España, Asturies y Carreño.
Gracies, non vais ver defraudada la vuestra confianza. Trabayar, trabayar y trabayar, ye lo que nos resta a toda la militancia de la nuesa modesta, pero grande y centenaria agrupación.
