Amelia Fernández: El PSOE presenta una llista anovada qu'aspira a gobernar Carreño con una mayoría folgada


"Salimos a ganar pa consolidar en Carreño el gobiernu consciente de la realidá de los problemes del conceyu y preocupáu y ocupáu con la busca de soluciones que sigan faciendo de Carreño un conceyu con futuru", explicó Amelia Fernández, candidata del PSOE a les elecciones municipales.

Amelia Fernández revalida la so elección como candidata a la alcaldía al frente d`una candidatura anovada, ilusionada, conocedora de la realidá social y comprometía cola llabor qu'asume. "La candidatura socialista, que se renueva en más de un 50 per cientu, incorpora a muyeres y homes que son fiel reflexu de la sociedá carreñense y qu'asumen la responsabilidá de representar los intereses xenerales con ilusión y munches ganes de trabaear siempre dende el respetu y la prudencia", señaló la candidata. 

"Diseña,os esta candidatura ensin perder de vista la diversidá que caracteriza a la sociedá de Carreño, la representación del conxuntu del territoriu del conceyu y siendo coscientes de que queda trabayu per delantre", añedió Amelia Fernández. 

"Estos 20 nomes, de los que los y les socialistes sentímonos argullosos, son amuesa del trabayu desenvueltu pola agrupación socialista de Carreño nos últimos años, una llabor que nos dexó consolidar un grupu de trabayu nel que conviven la experiencia na xestión pública, el conocimientu de la realidá de Carreño y la ilusión de las nueves incorporaciones. Sin dulda los ingredientes necesarios pa dar respuesta a les necesidades del conceyu", remató la candidata socialista.


La candidatura socialista obtuvo un 98 % de sofitu na agrupación carreñense.