Son momentos murnios pa tol Socialismu español, y tamién pa cualquier persona xusta y demócrata del nuesu país. Marchónos Alfredo Pérez Rubalcaba una figura clave de la recién hestoria democrática d'España. Cola so estremada intelixencia, capacidá de trabayu y organización, y el so compromisu col Estáu y el Partíu, dexa un vacíu difícil de cubrir.
Nun vamos falar solo de los sos ésitos políticos, bien conocíos y contrastaos. Dicimos que se trataba d'una persona desaxeradamente respetuosa, un demócrata de los pies a la cabeza, que cola so intelixencia sabía empatizar colos sos interlocutores ganándose'l so respetu, una noble, honesta y bona persona dientro d'una figura política estraordinaria, alloñáu de oropeles y centráu nel resolvimientu de problemes con destacada eficacia, los problemes d'España, les dificultaes nel partíu, precisamente lo que los ciudadanos y les ciudadanes quieren y valoren. España débe-y enforma, anque él nunca reclamaría nada, un servidor del Estáu y del pueblu.
Adios ya infinites gracies, compañeru