La Corporación de Carreño va experimentar un nuevu cambéu, nos próximos díes, la conceyala
d'Educación, Bienestar Social y Turismu,
María Rosa Nodal Monar va arrenunciar al so acta de conceyala nel próximu plenu
ordinariu, tras formalizadar el so arrenunciu
por motivos llaborales. Por esta causa, yá que la so situación llaboral dificulta-y el poder exercer correutamente les funciones como xestora del
gobiernu municipal, va dexar pasu nel consistoriu a la siguiente
integrante de la candidatura socialista.
L'Alcaldesa de Carreño agradeció-y públicamente el so gran trabayu y dedicación. Asina como los sos esfuerzos por intentar compatibilizar tou'l
tiempu que pudo la so situación llaboral col so puestu de
conceyala.
“La nuesa compañera estrenóse en política institucional dempués de ser
elexía como conceyala, nes postreres elecciones, y presentó
formalmente el so arrenunciu voluntariu ente la imposibilidá de compaxinar
la mesma col desempeñu de la so actividá llaboral. A
día deo güey, los sos compromisos llaborales y la situación de teletrabayu na que ta, riquen dedicación exclusiva frente al so cargu
públicu” – señaló Juan José Fernandez, portavoz del PSOE de Carreño.
“María Rosa llevó a cabu una dilixente y racional xestión de les árees
que tenía delegaes pola Alcaldía, desgraciadamente, n'estos
momentos, treslladónos que resulta-y imposible siguir, al nun disponer
del tiempu necesariu pal desempeñu d'eses funciones.
Ente les árees de la so xestión tan los Servicios Sociales Municipales
algo que n'esta coyuntura riquen de la mayor implicación posible” – prosiguió Fernández.
Dende'l Grupu Municipal Socialista sentímonos con pena po so arrenunciu.
Llamentamos el mesmu, al tiempu, que entendémoslo perfeutamente. Ella ye una persona de fuertes
convicciones y muncha dedicación nos proyectos nos que s'implica. Dio el 100% mientres tou esti tiempu al Ayuntamientu de Carreño,
con solvencia, bonfaer y bon carácter.
Desyeamos-y muncha suerte na so vida profesional a la nuesa querida
compañera, sabiendo que cuntamos col so sofitu a esti Gobiernu Municipal
de Carreño nel que, sin
dulda, vamos notar la so ausencia pol so talante reflexivu y equilibráu, asína
como la so capacidá de trabayu.